«ԵՏՄ անդամությունը կասկածի տակ դնելու պարագայում, ՀՀ-ն կասկածի տակ կդնի իր տնտեսական կենսունակությունը»․ Հակոբ Բադալյան
![]() 404 Ուրբաթ, 10 հունվարի, 2025 թ., 09:42 Քաղաքական մեկնաբան Հակոբ Բադալյանի թելեգրամյան գրառումը․ «Մի քանի խոսք այն մասին, թե տնտեսապես ինչ տարբերակ է շահեկան Հայաստանի համար: Եթե շատ չծավալվենք նախապատմության իմաստով, ապա այսօր իհարկե ԵՏՄ անդամությունը կասկածի տակ դնելու պարագայում, Հայաստանը կասկածի տակ կդնի իր տնտեսական կենսունակությունը: Եվրոպան ինքն այսօր տնտեսական լրջագույն խնդիրների առաջ է, որոնց հիմնական պատճառներից մեկը էներգակիրների բարձր գներն են: Բայց, եթե եվրոպական տնտեսությունը այդուհանդերձ բազային առումով շատ ավելի ուժեղ լինելով, կարողացել է չմեռնել՝ այդ բարձր գների պայմաններում, թեև կրել է լրջագույն կորուստներ, ապա Հայաստանի տնտեսության համար էներգակիրների բարձր գինը կլինի մահացու: Իսկ տնտեսության համար որևէ մահացու պատկեր, ուղիղ հարված է պետության ինքնիշխանության ներուժին: Այդ իսկ պատճառով է նաև, որ ներկայումս Հայաստանի համար կարևոր և կենսական հրամայական դիտարկում եմ ոչ թե որևէ արտաքին տնտեսա-քաղաքական շրջադարձ, այլ բեկում երկրի ներքին կյանքում՝ տնտեսական, հասարակական-քաղաքական և իհարկե առաջին հերթին կառավարման արդյունավետությունը էապես բարձրացնելու ուղղությամբ: Այո, այդ գործում մենք պետք է օգտագործենք թե այն արդյունքը, որ կարող ենք ստանալ ԵԱՏՄ անդամակցությունից, և թե այն արդյունքը, որ կարող ենք ստանալ այլ ուղղություններով տնտեսական երկկողմ ու բազմակողմ գործակցությունից: Եվ այստեղ Եվրոմիությունն ուղղություններից մեկն է միայն: Ավելին, այսօր արևմտյան աշխարհն ինքն է ինտենսիվ աշխատում արաբական միապետությունների ներդրումային հիմնադրամների ռեսուրսներ ներգրավելու ուղղությամբ: Հայաստանն այստեղ պետք է լինի շատ ավելի ակտիվ: Ընդ որում, ինչպես առիթ եմ ունեցել ասելու, այդ ուղղությունը արժեքավոր է նաև նրանով, որ հենց այդ երկրները իրենք փորձում են չհայտնվել աշխարհաքաղաքական ճամբարներից որևէ մեկում և հավասար գործընկերային հարաբերություն ունենալ թե արևմտյան, թե ռուսական ուղղություններով, թե եվրասիական, թե եվրաատլանտյան ուղղություններով»։ Աղբյուրը` Հակոբ Բադալյան |
«ՀՀ-ն հրաժարվո՞ւմ է ատոմակայանից»․ Հակոբ Բադալյան
157Երեկ, 14:54«Երկու ատոմակայան ենք ստեղծել վերջին 7 տարում»․ Նիկոլ Փաշինյան (տեսանյութ)
168Երեկ, 12:24«Նույն ճանապարհն ամեն տարի ասֆալտապատում են»․ Վահագն Սարոյան
30317.09.2025, 17:42Վրաստանը մարել է ՀՀ-ի, ՌԴ-ի և այլ երկրների նկատմամբ երկարամյա պարտքը
42017.09.2025, 12:46«ՀայաՔվե»-ի մամուլի ասուլիսը․ ՈՒՂԻՂ ՄԻԱՑՈՒՄ (տեսանյութ)
24117.09.2025, 12:06Ռոմանոս Պետրոսյանն ամսական 5 մլն դրամից ավելի աշխատավարձ է ստանում. «Հրապարակ»
23717.09.2025, 09:12Եվրոպական հանձնաժողովը հայտարարում է Իսրայելի դեմ պատժամիջոցների մասին
54616.09.2025, 20:51Գյումրիի ավագանին ընդունեց նախագիծ, որով կստեղծվի ազատ տնտեսական գոտի
21416.09.2025, 18:06