Հինգշաբթի, 12 փետրվարի, 2026 թ.
|
Ստեփանակերտում`   -2 °C

«Ռուսական բիզնեսն ավելի զգուշավոր է դարձել Հայաստանի հետ տնտեսական կապերի զարգացման հարցում»․ Օվերչուկ

«Ռուսական բիզնեսն ավելի զգուշավոր է դարձել Հայաստանի հետ տնտեսական կապերի զարգացման հարցում»․ Օվերչուկ
1767
Չորեքշաբթի, 15 հունվարի, 2025 թ., 14:13

ԵՄ-ին անդամակցելու գործընթաց սկսելու Երևանի որոշումը Մոսկվան դիտարկում է որպես ԵԱՏՄ-ից Հայաստանի դուրս գալու սկիզբ։ Այս մասին լրագրողներին հայտարարել է ՌԴ փոխվարչապետ Ալեքսեյ Օվերչուկը։

«Նրանք (Հայաստանը) ասում են, որ չեն պատրաստվում դուրս գալ ԵԱՏՄ-ից, բայց ինչո՞վ է առանձնահատուկ ստեղծված իրավիճակը․ 2025թ․ հունվարի 9-ին ՀՀ կառավարությունը, աջակցելով ԵՄ անդամակցության գործընթացի մեկնարկի մասին օրինագծին, ձեռնարկեց իրավաբանորեն նշանակալի քայլ, որը Հայաստանի կառավարության որոշումն էր, և մենք այն համարում ենք ԵԱՏՄ-ից Հայաստանի դուրս գալու սկիզբ»,- ​​ասել է Օվերչուկը:

«Ցավոք, արդեն անցյալ տարի մենք ականատես եղանք, որ ԵՄ-ին անդամակցելու քննարկումների ազդեցության տակ ռուսական բիզնեսն ավելի զգուշավոր դարձավ Հայաստանի հետ տնտեսական կապերի հետագա պահպանման և զարգացման հարցում»,- նշել է ՌԴ փոխվարչապետը, հավելելով, որ մի շարք ոլորտներում «գործարար ակտիվությունն սկսել է թուլանալ»։