«Նիկոլ Փաշինյանը խաբվա՞ծ է, թե՞ ինքն է խաբում հայերին»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Նիկոլ Փաշինյանը՝ ինքնագործ պատրանքների աշխարհում
Նիկոլ Փաշինյանը Ադրբեջանի հետ հարաբերությունների մասին Ֆեյսբուքում գրել է․ «Ադրբեջանի հետ հարաբերություններում առկա բոլոր հարցերին Հայաստանի Հանրապետությունն առաջարկել է կառուցողական լուծումներ: Ոչ թե առաջարկներ է արել, այլ լուծումներ է առաջարկել: Այս համատեքստում տարածաշրջանում էսկալացիաներ հրահրելու բոլոր ջանքերը զուրկ են լեգիտիմությունից և հիմքից, ինչը նշանակում է, որ տարածաշրջանը էսկալացնել չի հաջողվի»:

Նիկոլ Փաշինյանը խաբվա՞ծ է, թե՞ ինքն է խաբում Հայաստանի բնակիչներին, հայերին։

Ադրբեջանի բռնապետ Իլհամ Ալիևն է պարտադրում օրակարգը, նա Նիկոլ Փաշինյանին նորանոր պահանջներ է ներկայացնում, որոնք ընդունվում են։ Վերջին պահանջները ԵԱՀԿ Մինսկի խմբի լուծարումը, Հայաստանի նոր Սահմանադրության ընդունումն է։ Տարածաշրջանը էսկալացնելու համար Ալիևը լեգիտիմ հիմքեր միշտ էլ կարող է ստեղծել, երբ արտաքին քաղաքական իրավիճակը հարմար լինի, նա, անկասկած, կդիմի էսկալացիայի»։