«Հայ գերիների՝ թշնամու բանտում գտնվելը ներկա իշխանությունների ապիկարության ու հայ ազգի պահանջատեր չլինելու արդյունքն է»․ Մանուշ Եսայան

Փաստաբան Մանուշ Եսայանի ֆեյսբուքյան գրառումը․ «Ռուբեն Վարդանյանի գրառումը կարդացի։ Իմ սուբյեկտիվ կարծիքով յուրաքանչյուր առնվազն խոշոր քաղաքական գործիչ ունի իր մեղքի բաժինը Արցախի հետ կատարվածում։ Բայց. Որևէ հայ չպետք է լինի թշնամու ձեռքում, որեւէ հայ չպետք է դատապարտվի թշնամու կողմից։ Յուրաքանչյուր մեղավոր քաղաքական գործիչ պիտի ստանա իր պատիժը միայն հայ մարդու կողմից հայկական դատաստանով, անգամ ազգակործանը։
Մեր քաղաքական գործիչների թշնամու բանտում գտնվելը մեր անփառունակ ներկայի պատկերն է, հայ գերիների այսքան տարի թշնամու բանտում գտնվելը մեր ներկա իշխանությունների ապիկարության անտարբերության ու հայ ազգի պահանջատեր չլինելու արդյունքն է։
Չգիտեմ մինչև երբ ու ինչքան ենք էսպես լինելու ու մնալու, բայց տխուր է էս ամենը»։