«Իրենք այնտեղ են ՀՀ իշխանությունների մեղքերի պատճառով». Արտակ Բեգլարյան

«Առաջին հերթին պետք է ստիպենք ՀՀ իշխանություններին, որպեսզի տեղներից շարժվեն և առավելագույնը կատարեն մեր պատանդներին, մեր արժանապատվությունը վերադարձնելու համար»,- ՄԱԿ-ի հայաստանյան գրասենյակի առջև ընթացող ակցիայի ժամանակ ասաց Արցախի նախկին ՄԻՊ Արտակ Բեգլարյանը։
«Քանի դեռ մեր պետական ինստիտուտները մեր իրավունքների պաշտպանությամբ չեն զբաղվում՝ անհատական և հավաքական մակարադակով, բնականաբար այլ պետությունները ընդհանրապես չեն զբաղվելու»,- ասաց Բեգլարյանը՝ նշելով, որ Բաքվի կեղծ շոուներն ու նրանց կողմից Արցախի ռազմաքաղաքական ղեկավարների դատավարության վերաբերյալ հրապարակվող նվաստացուցիչ տեսարանները չպետք է տարածվեն հայկական տիրույթում։
«Իրենք այնտեղ են իշխանությունների մեղքերի, բացթողումների պատճառով»,- ասաց Բեգլարյանը՝ հորդորելով հատկապես իշխանավորներին՝ չթիրախավորել Բաքվի դատարանի առջև հայտնված հայ պատանդներին։