«Հայաստանի 3-րդ հանրապետությունն այլևս չկա»․ Սամվել Ֆարմանյան

ԱԺ նախկին պատգամավոր Սամվել Ֆարմանյանի ֆեյսբուքյան գրառումը․ «Հայաստանի 3-րդ հանրապետությունն այլևս չկա:
Չկա այդ հանրապետության գաղափարական առանցքը՝ Արցախը: Կորել են այդ հանրապետությանը վերագրված իմաստները: Սասանվել են այդ հանրապետության հերոսները: Դեֆորմացվել կամ իսպառ գոլորշիացել են այդ պետության արժեքները: Կազմաքանդվել են դրա հաստատություններն ու կառույցները: Արժեզրկվել է այդ պետության մասին մեր հիշողությունը: Նոր սերունդը մերժել է այդ պետությունը:
Հայաստանն այլևս չի լինելու նախկինը: Չգիտակցել ելակետային այս հանգամանքը, նշանակում է չհասկանալ մեզ հետ տեղի ունեցածն ու ունեցողը:
Պետք է ուժ գտնել նախ վերապրելու այս մեծ շրջադարձը: Բանաձևելու մեր համատեղ գոյության ու պետության քաղաքական իմաստը: Ըմբռնելու ու արժանապատվությամբ իմաստավորելու տեղի ունեցողը՝ մեռնում է 3-րդը, ու նրանից պետք է ծնել 4-րդը»: