«Ինչպես ձևավորվեց «Համահայկական միասնական խորհուրդ» նոր ուժը»․ Արշակ Կարապետյան

«Համահայկական ճակատ» շարժման առաջնորդ Արշակ Կարապետյանը ֆեյսբուքյան իր էջում գրել է․ «Ինչու և ինչպես սկիզբ առավ «Համահայկական միասնական խորհուրդ» նոր ուժը

Հաշվի առնելով երկրում օրեցօր խորացող ծայրահեղ ծանր դրությունը և տասնամյակների ընթացքում կատարված պառակտիչ ու ազգակործան քաղաքականությունը, մենք եկել ենք այն համոզման, որ այսօր համախմբումն ու միաբանությունը աներկբա են։ Ահա ինչի արդյունքում է ձևավորվել «Համահայկական միասնական խորհուրդ»-ը»։ Այն ազգային ուժ է, որի հիմքը Ազգ-Բանակ-Եկեղեցին է։ Ինչպես հոգևոր առաջնորդության ստեղծումը մեր Զինված Ուժերում եղավ աննախադեպ՝ յուրաքանչյուր մարտական հերթափոխից առաջ դիրքապահ զինվորներին բարոյահոգեբանորեն պատրաստելու սահմանների պաշտպանության պատասխանատու գործին, ինչպես բոլոր պատերազմներում հայ հոգևորականը միշտ եղել է զինվորի կողքին, այնպես էլ այսօր «Համահայկական միասնական խորհուրդ»-ը նպատակ է որդեգրել Հայաստանի պետականության վերականգնման պայքարի մեկնարկը սկսել հոգևոր առաջնորդութամբ և զորակցությամբ։
Հայ ազգի, զինվորականների, հոգևորի և ազգայինի միասնությունը մեզ կդարձնի հզոր և պատրաստ՝ ամուր պահելու այն անկախությունը, որը շատ թանկ գնով է ձեռք բերվել։ Այս միասնությունը՝ հոգևոր առաջնորդությամբ, կանգնելու է Հայաստանի Հանրապետության տարածքային ամբողջականության պահպանման կողքին։
Վստա՛հ ենք, որ Հայաստանին այսօրվա պարտվողական և խեղճ վիճակից կարող է դուրս բերել ուժի, պատրաստակամության և հոգևորի միաբանությունը»։