«Ձեզ էս հայրենիքի ճանապարհներից ոչ ոք գերի չի տարել»․ Աննա Մկրտչյան

«Հայրենավաճառության մասին իշխանազավթներն այլևս բղավում են այնչափ ուժգին, որքան հնարավոր է։ Ասում են՝ ճիշտ է հայրենիքը շատ ենք փոքրացրել, բայց դեռ հո ամբողջությամբ չե՞նք հանձնել։ Ու ձեր ցավը, մեր բոլորիս ողբերգությունը, մի մետաղաջարդոնի են վերածել, բերել փակցրել են ԱԺ-ի պատին, որ ավելի նվաստացնեն»,- ԱԺ ամբիոնից հայտարարեց ընդդիմադիր պատգամավոր Աննա Մկրտչյանը՝ ցույց տալով ԱԺ պատին փակցված քարտեզն ու ձեռքին պահելով այն քարտեզը, որտեղ Արցախն ու Հայաստանը միասնական են ցուցադրված․ «Մեր հայրենքն ա՛յ էս տեսքն ուներ․․․ Ձեզ էս հայրենիքի ճանապարհներից ոչ ոք գերի չի տարել»,- ասաց նա՝ քարտեզը փակցնելով ԱԺ նախագահության պատին։