«Որոշ լրատվամիջոցների ներկայացուցիչներ լկտիացել են». Արթուր Հովհաննիսյան

ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանի ֆեյսբուքյան գրառումը. «Որոշ լրատվամիջոցների ներկայացուցիչներ այնքան են լկտիացել, որ առավոտյան սառը զենք են դնում գրպանը ու իրենցից գոհ գալիս պետական պահպանության ներքո գտնվող Ազգային Ժողովի շենք:
Հետո էլ լալահառաչ տեքստեր են գրում՝ բերման ենթարկելու հետ կապված:
Լրատվամիջոցների աշխատանքների ու ազատ խոսքի վերաբերյալ պատկերացումները որոշները խառնել են անձեռնամխելիության ու ամենաթողության հետ:
Շատ մեղմ են մեր օրենքները՝ համեմատ մի շարք քաղաքակիրթ երկրների: Օր առաջ խստացնել է պետք»: