Հինգշաբթի, 18 սեպտեմբերի, 2025 թ.
|
Ստեփանակերտում`   +17 °C

«Տավուշում նոր սահմանազատումը նոր տարածքների կորստի է հանգեցնելու»․ Ոսկան Սարգսյան

«Տավուշում նոր սահմանազատումը նոր տարածքների կորստի է հանգեցնելու»․ Ոսկան Սարգսյան
209
Չորեքշաբթի, 22 հունվարի, 2025 թ., 16:48

Լրագրող Ոսկան Սարգսյանի ֆեյսբուքյան գրառումը․ «Տավուշում նոր սահմանազատումը նոր տարածքների կորստի է հանգեցնելու։ Սահմանազատման անվան տակ միակողմանի, ապօրինի կերպով, գաղտնիության քողի տակ Բաղանիս-Այրումի, Խերմիլիի, Ներքին Ոսկեպարի՝ Աշաղի Ասքիպարայի, Ղզլհաջիլիի, ինչպես նաև Կիրանց գյուղի տարածքները Ադրբեջանին հանձնելը, 30 տարի ամրացված պաշտպանական դիրքերը Ադրբեջանին տալը հանգեցրել են Կիրանց-Բաղանիս հատվածում Հայաստան-Վրաստան միջպետական ավտոճանապարհի հանդեպ ադրբեջանական զինուժի կողմից վերահսկողություն սահմանելուն։ Կիրանց գյուղի ծայրին, հարակից դիրքերում բարձրացված են հայկական և ադրբեջանական դրոշները։ Միջպետական ավտոճանապարհից մի քանի տասնյակ մետր հեռավորությամբ, 1980-ականների կեսերին Ոսկեպարում կառուցված, այդպես էլ չբնակեցված տների կողքին հայ սահմանապահների, դրանից քիչ հեռու ադրբեջանական դիրքերն են, որտեղից լավ տեսանելի է միջպետական ավտոճանապարհով երթևեկը։ Առաջիկայում Տավուշում նոր սահմանազատում իրականացնելու դեպքում նոր տարածքներ են հանձնվելու Ադրբեջանին,դա սահմանագոտու բնակչության մեջ հուսահատություն և արտագաղթ է առաջացնելու»։

Աղբյուրը`   Ոսկան Սարգսյան