«Լևոնը գերեվարվել է Շուշիի «3 վիշկայի» տարածքից». Լևոն Բալայանի կին

«Պատերազմն ավարտվեց, իսկ Լևոնից որևէ լուր ստանալ մեզ չհաջողվեց։ Հանդիպել եմ իր հետ եղած անձնակազմին, բայց որևէ մեկը հստակ ոչինչ չէր ասում։ Տեղ չի մնացել, որ չդիմեինք, սակայն, ապարդյուն։ Տեղափոխվեցինք Հայաստան ու այստեղ շարունակեցինք մեր որոնումները»,- «Մեդիահաբ»-ի հետ զրույցում ասում է Բաքվում գերեվարված Լևոն Բալայանի կինը՝ Նաիրան։

«Շատ անելանելի վիճակում էինք։ 2023 թվականի հոկտեմբերի 7-ին զանգ ենք ստացել Բաքվից, նախ խոսել է ադրբեջանցի զինվորականը, այնուհետև հեռախոսը փոխանցել ամուսնուս։ Լևոնն ասաց, որ գերության մեջ է»,- պատմում է կինը։

Նաիրայի խոսքով՝ 46-ամյա ամուսինը գերեվարվել է Ստեփանակերտ-Շուշի ճանապարհի ձախ կողմում գտնվող հեռահաղորդակցման աշտարակի (3 վիշկա) մոտակայքից։ Այնուհետև մյուս գերեվարված անձանց հետ նրան էլ տեղափոխել են Բաքու։

Լևոն Բալայանը միևնույն բանտախցում է Արցախի պաշտպանության նախկին նախարար Լևոն Մնացականյանի ու ևս մեկ աշխարազորայինի հետ։

Մանրամասները՝ սկզբնաղբյուրում: