«Ճշտե՞լ եք, թե ինչու են նրանք հենց ադրբեջաներեն երգել». Նաիրի Հոխիկյան

Լրագրող Նաիրի Հոխիկյանի ֆեյսբուքյան գրառումը. «Ազգային անվտանգության ծառայությունը պարզաբանել է, որ Երևանի Հանրապետության հրապարակում ադրբեջաներեն երգող մարդիկ իրականում Իրանի քաղաքացիներ են։ ԱԱԾ-ն կոչ է արել զերծ մնալ իրականությանը չհամապատասխանող և չճշտված տեղեկություններ հրապարակելուց և մեկնաբանություններից:
Հարց ԱԱԾ -ին.
Բա ինչո՞ւ չեք անդրադարձել երևույթին, որ այդ մարդիկ ադրբեջաներեն երգել են Արցախի գրավումն ու հայաթափումը փառաբանող երգ։ Դա՞ էլ է իրականությանը չհամապատասխանող։
Ճշտե՞լ եք, թե ինչու են նրանք հենց ադրբեջաներեն երգել։ Գուցե կա՞պ ունեն Ադրբեջանի հատուկ ծառայությունների հետ, գուցե կոնկրետ առաջադրանք են կատարել։
Կարո՞ղ էին արդյոք Իրանի այդ քաղաքացիները Բաքվի կենտրոնում հայերեն երգել։
Ի՞նչ կլինի այն մարդկանց հետ, ովքեր Ադրբեջանում փորձեն երգել Ստեփանակերտին կամ Շուշիի ազատագրմանը նվիրված երգ»: