Վաշինգթոնը չպետք է միջամտի Սիրիայի խնդիրներին․ Թրամփ

Վաշինգթոնը չպետք է զբաղվի Սիրիայի խնդիրներով, ԱՄՆ-ի վարչակազմը որոշում կկայացնի Արաբական Հանրապետությունից ամերիկյան զորքերը դուրս բերելու հնարավորության վերաբերյալ։ Այս մասին, ՏԱՍՍ-ի փոխանցմամբ, հայտարարել է ԱՄՆ նախագահ Դոնալդ Թրամփը՝ Սպիտակ տանը պատասխանելով լրագրողների հարցերին։

«Մենք դրա վերաբերյալ որոշում կկայացնենք»,- ասել է նա՝ մեկնաբանելով իսրայելական ԶԼՄ-ների հաղորդագրությունները, թե հրեական պետությունը անհանգստացած է Սիրիայից ամերիկյան զորքերի դուրսբերման հնարավորությամբ։

«Մենք չենք միջամտում Սիրիայի գործերին: Դա նրանց խառնաշփոթն է: Նրանք մեր միջամտության կարիքը չունեն»,- հավելել է Թրամփը: