«Ինչ լուծում էլ լինի, Ադրբեջանն իր ձևով է անվանելու, մենք՝ մեր»․ Նիկոլ Փաշինյան

«Մենք կոնկրետ առաջարկ ենք արել Ադրեջանին, որը հարցի լուծում է։ Առաջարկում ենք, որ Ադրբեջանի արևտյան շրջաններից լինի երկաթուղայի բեռնատար հաղորդակցություն Նախիջևանի Ինքնավար Հանրապետություն և հակառակը, բայց նույն սկզբունքով Երասխից Մեղրի: Առաջինը պարզ է՝ Հայաստանի տարածքով՝ Մեղրիով», - անդրադառնալով հաղորդակցության ուղիներին՝ ասուլիսի ժամանակ ասաց Նիկոլ Փաշինյանը՝ նշելով, որ սպասում են Բաքվի դրական պատասխանին։ Նրա խոսքով չի պատկերացնում, թե ինչու պետք է այս առաջարկը մերժեն:

«Ինչ լուծում էլ լինի, իրենք իրենց ձևով են անվանելու, մենք՝ մեր ձևով, բայց բովանդակությունն է կարևոր, և այն բովանդակությունը, որը առաջարկել ենք, մեզ համար բացարձակապես ընդունելի որևէ բան չկա և լիարժեք համապատասխանում է «Խաղաղության խաչմերուկ» ծրագրի շրջանակներում բարձրաձայնված սկզբունքներին, բայց համապատասխանում է նաև այն ակնկալիքներին, որոնք Ադրբեջանն է բարձրացնում», - ասաց նա՝ շարունակելով «Մենք դեմ չենք անխոչընդոտ հաղորդակցությանը, բայց անխոչընդոտ չի նշանակում ՀՀ իրավազորության շրջանցումով», - ասաց Փաշինյանը: