«150 դրամը մեծ գումար չէ․ բոյկոտը հիմարություն է»․ քաղաքացիներ

Ինչպես հայտնի է վաղ առավոտից քաղաքական ընդդիմադիր գործիչները բողոքի ակցիա են իրականացնում՝ տրանսպորտի թանկացման բոյկոտի կոչով։ Նրանց խոսքով քաղաքացիների 80%-ը միանում է բոյկոտին։
Սակայն կան նաև քաղաքացիներ, ովքեր համաձայն են վճարել 150 դրամ․ ««Բոյկոտը հիմարություն է, իջացրեցին 150 դրամ, լավ է», «Պետք է անենք ամեն ինչ, որ նորմալ տրանսպորտ ունենանք. 150 դրամը մեծ գումար չէ», «Չեք գտնո՞ւմ, որ 30 տարվա մեջ 100 դրամը պետք է փոխվի։ Ուզում եք էլի «խլամ» «Գազել»-ներո՞վ երթևեկենք»», ասում են քաղաքացիները։
Հիշեցնենք՝ Երևանի ավագանին 33 կողմ ձայնով ընդունել է որոշումը, որով 1 ուղևորության համար սահմանվել է 150 դրամ, գործելու են նաև միասնական տոմսային համակարգի փաթեթները։