«Մեծամասնությունը դժգոհ է, սակայն ամաչում են չվճարել»․ Սամվել Հակոբյան

«Երեկվանից նկատել ենք, որ վարորդները սկսել են իրենց կոպիտ պահել՝ հատկապես, երբ 100 դրամ են փորձում վճարել»,- լրագրողների հետ զրույցում ասաց Երևանի ավագանու «Մայր Հայաստան» խմբակցության անդամ Սամվել Հակոբյանը՝ կոչ անելով ոչ թե 100 դրամ վճարել, այլ պարզապես բոյկոտել․ «Բոյկոտի իմաստն այն է, որ բերենք հանրային տրանսպորտի ոլորտը ֆինանսական կոլապսի և քաղաքային իշխանությունը ետքայլ կատարի»,- ասաց Հակոբյանը՝ համաձայնելով նաև լրագրողի այն դիտարկման հետ, որ վճարողներն ավելի շատ են, քան բոյկոտողները․ «Այո, համաձայն եմ, սակայն չի նշանակում, որ բոյկոտը չի ստացվել։ Գտնում եմ, որ մեր քաղաքացիներն ուղղակի ամաչում են, սակայն մեծամասնությունը դժգոհ են թանկացումից»,- ասաց Հակոբյանը։