«Սուտ է, երբ ասում են, որ կարող են վարչական պատասխանատվության ենթարկել»․ Սամվել Հակոբյան

Քաղաքապետարանը ապատեղեկատվություն է տարածում, երբ ասում է, որ ուղեվարձը չվճարելու համար կարող են քաղաքացիներին ենթարկել վարչական պատասխանատվության։ Լրագրողների հետ զրույցում ասաց ավագանու ընդդիմադիր անդամ Սամվել Հակոբյանը․ «Քաղաքացիները վարչական իրավախախտում չեն անում, նրանք իրենց քաղաքացիական դիրքորոշումն են արտահայտում, քանզի տեղի է ունեցել ապօրինի թանկացման որոշում։ Երբ փորձում են տուգանել, կամ խոսում են տուգանելուց, իմացեք, ստում են և մանիպուլացնում են։ Օրենքով նախատեսված կարգով տուգանքը տոմսի կրկնակին է, այսինքն 300 դրամ։ Այս մարդիկ տեղյակ չեն՝ ինչ է նշանակում պատշաճ վարչարարություն։ Հսկիչների հաստիքները թափուր են, տուգանել չեն կարող»,- ասաց Հակոբյանը։