Հնդկաստան ռուսական նավթի արտահանումը կաճի՝ չնայած Թրամփի կողմից սահմանված մաքսատուրքերին. #Reuters

Reuters-ը հաղորդում է, որ սեպտեմբերին Հնդկաստան ռուսական նավթի արտահանումը կաճի՝ չնայած ԱՄՆ-ի նախագահ Դոնալդ Թրամփի կողմից սահմանված մաքսատուրքերին։
Հնդկաստանին նավթի վաճառքին առնչվող երեք աղբյուրներ հայտնել են, որ հնդկական վերամշակման գործարանները սեպտեմբերին ռուսական նավթի գնումները կավելացնեն 10-20%-ով կամ օրական 150-300 հազար բարելով։
Նշվում է, որ Ռուսաստանը հաջորդ ամիս կկարողանա ավելի շատ նավթ արտահանել, քանի որ վերամշակման գործարաններում «պլանավորված և չպլանավորված պարապուրդը» նվազեցրել է հում նավթը վառելիքի վերածելու հնարավորությունը։
Աղբյուրի տվյալներով՝ վերջին տարիներին Հնդկաստանը մեծացրել է ռուսական նավթի գնումները՝ ՕՊԵԿ երկրներից ավելի թանկ վառելիքի հաշվին։ «Եթե Հնդկաստանը չհրապարակի հստակ քաղաքական ուղեցույց կամ առևտրի տնտեսագիտությունը զգալիորեն չփոխվի, ռուսական նավթը, հավանաբար, կմնա նրա մատակարարման հիմնական մասը», - գործակալությանը ասել է Kpler տվյալների հավաքագրման և վերլուծության հարթակի ներկայացուցիչ Սումիտ Ռիտոլիան։
CLSA միջնորդական ընկերությունը, որի արդյունքները մեջբերվում են գործակալության կողմից, տեսնում է միայն «սահմանափակ հավանականություն, որ Հնդկաստանը կդադարեցնի ռուսական ներմուծումը»։ Նրանք նշում են, որ եթե երկիրը դադարեցնի ռուսական նավթ գնելը, դա կարող է հանգեցնել համաշխարհային մատակարարումների կրճատման օրական մոտ մեկ միլիոն բարելով և գների կարճաժամկետ թռիչքի՝ մինչև գրեթե 100 դոլար մեկ բարելի համար։
Օգոստոսի 1-ին ԱՄՆ-ի նախագահ Դոնալդ Թրամփը հայտարարեց Հնդկաստանի նկատմամբ լրացուցիչ 25 տոկոս սակագնի ներդրման մասին, որի արդյունքում ԱՄՆ արտահանվող հնդկական ապրանքների վրա ընդհանուր սակագինը կհասնի 50%-ի։ Սա ԱՄՆ-ի առևտրային գործընկերների շրջանում ամենաբարձր դրույքաչափերից մեկն է։ Թրամփն այս միջոցառումները բացատրել է նրանով, որ «Հնդկաստանի կառավարությունը ներկայումս ուղղակիորեն և անուղղակիորեն նավթ է ներմուծում Ռուսաստանից»։

Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
85516.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
80415.11.2026, 19:19
Խաղողագործներին փող չեն տալիս․ «Հրապարակ»
58814.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
129513.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
63612.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
166310.11.2026, 19:37
Հեղուկ գազի երկրորդ խոշորագույն արտահանողն ԱՄՆ-ի հեղուկ գազի խոշորագույն գնորդը կդառնա
181309.11.2026, 18:19
«Ինքնիշխան պետության էներգետիկ քաղաքականությունը չպետք է վերածվի արտաքին ներդրողների շահերի ենթակառուցվածքային սպասարկման»․ Վահե Դավթյան
76009.11.2026, 15:18