«Ստրատեգիական պայմանագիր կնքեցինք Ամերիկայի հետ, ստացանք տանձի պոչ»․ Արթուր Խաչիկյան

«Հայաստանը որևէ ստրատեգիական հետաքրքրություն չի ներկայացնում ԱՄՆ-ի համար, երկրորդը՝ մենք այնտեղ դիվանագիտություն չունենք, պրոֆեսիոնալ դիվանագետներ չունենք, փողոցից եկած մարդիկ են, որոնք երևի չեն հասկանում, որ այսպիսի այցը վերջին պահին չեն կազմակերպում, ամիսներ առաջ պետք էր արդեն պայմանավորվածություն ունենալ՝ ում հետ եք հանդիպում, որտեղ եք գնում և այլն»,- այս մասին «Նյուզ»-ի հետ զրույցում նշել է քաղաքագետ Արթուր Խաչիկյանը՝ անդրադառնալով դիտարկմանը, որ Նիկոլ Փաշինյանն ԱՄՆ-ում չարժանացավ ո՛չ Թրամի, ոչ էլ պետքարտուղարի ընդունելությանը:
«Իշխանությունները չեն հասկանում՝ դիվանագիտությունը ինչ է, նրանք բոլոր հույսերը կապեցին Բայդենի հետ և մնացին առանց ազդեցության այս նոր ադմինիստրացիայում: Ոչ ոք իրեն չհանդիպեց: Տեսեք, մենք ստրատեգիական պայմանագիր կնքեցինք Ամերիկայի հետ, ստացանք տանձի պոչ, նրանք անգամ չհանդիպեցին մեր լիդերին: Էլ չեմ ասում, որ անգամ ինաուգուրացիային իրեն չկանչեցին։ Վրաստանի նախագահն այնտեղ էր, իսկ Հայաստանի ղեկավարը, որ, կներեք, այսքան իրեն ճղելով, որ մենք դեմոկրատիա ենք ուզում, Արևմուտք ենք ուզում, ռուսներին չենք ուզում, անընդհատ ռուսներին վիրավորելով, Ղարաբաղը հանձնելով, հարաբերությունները փչացնելով Ռուսաստանի հետ, էլի չարժանացավ Թրամփի հետ անգամ 15 րոպե հանդիպման»,- ընդգծեց քաղաքագետը: