«Միավորվելու նույնիսկ ակնարկ չի երևում»․ Կարեն Վրթանեսյան

Ռազմական փորձագետ Կարեն Վրթանեսյանի ֆեյսբուքյան գրառումը. «Նախընտրական տենդի ախտանիշներ են.
• Նախկինում լրիվ նորմալ մարդիկ մեկ էլ սկսում են ադեկվատությունը կորցնել, գլուխ տանել այս կամ այն կուսակցության օգտին (սկզբում ակնարկներով, հետո՝ հիվանդության խորանալուն զուգահեռ, ավելի ու ավելի կացնային և ագրեսիվ ձևով), կամ հակառակը՝ կատաղի ընդդեմ արտահայտվել այս կամ այն կուսակցության մասնակցությանը ընտրություններին;
• Սկսում են ինտենսիվ հրավիրել անհասկանալի օրակարգերով հանդիպումների և քննարկումների (վերջում միշտ պարզվում է, որ քո կարծիքը ոչ մեկին չի հետաքրքրում, քանի որ ամեն ինչ որոշված է արդեն, իսկ հրավիրվածները պետք են՝ զուտ որպես դեկորացիա);
• Ինչ-որ անհասկանալի տեղերից ծլած անիմաստ «նախաձեռնությունների» և «շարժումների» էջերին միանալու հրավերներ ուղարկել;
... և այլն, և այլն։
1990-ականներից ի վեր, նախընտրական տենդի հերթական բռնկումները իրարից շատ չեն տարբերվում, միակ տարբերությունը՝ սոցցանցերի դերի աճն է...
* * *
Այսօրվա №1 խնդիրը սակայն այն է, որ այնպես, ինչպես «30 տարի» եղել է, այլևս շարունակվել չի կարող, որովհետև հաջորդ ընտրությունները կարող է արդեն լինեն ՀՀ վտարանդի ԱԺ-ում տեղերի համար...
Եթե օկուպացիոն ռեժիմին չծառայող քաղաքական ԲՈԼՈՐ ուժերը ռեսուրսները չմիավորեն, ապա Նզովյալը կրկին լեգիտիմացնելու է իր և՛ արդեն գործած հանցագործությունները, և դեռ մեր գլխին գալիք հանցագործությունները...
Բայց միավորվելու դեռ նույնիսկ ակնարկ չի երևում»։