«Ռուս-ադրբեջանական հարաբերությունների լարումը ժամանակավոր է»․ Դանիել Իոաննիսյան

«Իրազեկ քաղաքացիների միավորում» ՀԿ համակարգող Դանիել Իոաննիսյանի ֆեյսբուքյան գրառումը․ «Պետք է հաշվի առնել, որ Azal ավիաընկերության ինքնաթիռի խոցման պատճառով ռուս-ադրբեջանական հարաբերությունների լարումը խիստ ժամանակավոր է և չի չեղարկում Սյունիքում միջանցքի մասով Մոսկվայի ու Բաքվի համատեղ շահը։
Հարաբերությունների այս լարումը նաև չի չեղարկում արժեքային-բռնապետական ընդհանրությունները, որ ունեն Ռուսաստանն ու Ադրբեջանը։
Այս լարման ժամանակավոր բնույթը հասկանալու համար վերհիշեք Ադրբեջանի կողմից ռուսական ուղղաթիռի խոցումը (2020թ.), խաղաղապահներին սպանելը (2023թ.), Թուրքիայի կողմից ռուսական ՍՈւ24-ը խոցելը (2015թ.) կամ Անկարայում ՌԴ դեսպանի սպանությունը (2016թ.)։
Այս բոլոր քայլերը ժամանակավոր լարման պատճառ դարձան, որովհետև ընդհանուր արժեքներն ու ընդհանուր շահերը դրանցից վեր են»։