«Գուցե Փաշինյանին «փակ ծրար» են տվել»․ Վահան Բաբայան

Ռեֆորմիստների կուսակցության նախագահ Վահան Բաբայանի ֆեյսբուքյան գրառումը․ «Փաշինյանի այցը Վաշինգթոն իրականում ունի մութ կողմեր, գուցե նրան «փակ ծրար» են տվել
Թեև վերլուծական և փորձագիտական շրջանակաները կամ ակտիվ օգտատերերը քննարկում են Փաշինյանի ԱՄՆ կատարած անարդյունավետ այցը, պետք չի բացառել, որ այն ունի մութ և փակ կողմեր:
Ես շատ հեռու եմ էն մտքից, որ Փաշինյանը միամիտ է և չգիտեր՝ գնալուց որտեղ է նստելու կամ ում հետ է հանդիպելու և նրա խորհրդատուները չէին հաշվել, որ դա նրան որևէ դիվիդենտ չի բերելու: Ի դեպ ով չգիտի ասեմ, որ երկրի ղեկավարների այցերը գրեթե 99% պլանավորված են լինում յուրաքանչյուր նյուանս և կարելի է ենթադրել, որ այդքան անիմաստ այցի խորքում եղել են կարևոր հարցեր իր իշխանությունը պահելու մասով:
Նրան հետաքրքիր միակ թեման հիմա իշխանություն պահելն է և առաջիկա ընտրություններում կրկին վերարտադրվելը:
Գուցե նոր ադմինիստրացիան նրան չտա այլևս նոր «նարուշիլովկա» և նա ստիպված լինի առերեսվել ներքաղաքական իրականության հետ: Գուցե նրան փակ մեսիջ են փոխանցել Թրամփից, գուցե նույնիսկ դա էլ չեն արել, դա կերևա առաջիկա ամիսներին»։