«Ավինյանին կանչում ենք այստեղ»․ Հաղթանակ թաղամասի բնակիչ

Հաղթանակ թաղամասի բնակիչները ճանապարհը փակել, բողոքի ակցիա են իրականցնում՝ պահանջելով իրենց սեփական հողերի փաստաթղթերի հետ կապված խնդիրներին լուծում տալ։ «Թող գան այստեղ, հարցին լուծում տան։ Մարդիկ հոգնել են խաբվելուց։ Կաբինետային ոչ մի խոսակցություն քաղաքային իշխանության հետ այլևս չենք ուզում, Ավինյանին կանչում ենք այստեղ, ու նաև այն պատգամավորներին, որոնց հետ տարիներ շարունակ քննարկել ենք խնդիրը»,- ասաց բնակիչներից մեկը։
Հիշեցնենք, որ թաղամասի գերեզմանատան հարևանությամբ գտնվող հողերի համար նոր սեփականաշնորհման վկայականներ չեն հատկացվում, քանի որ դրանք գտնվում են սանիտարական գոտում։