«Պատկերացրեք՝ մի առավոտ արթնանում ենք և տեսնում, որ Նիկոլ Փաշինյանը լքել է երկիրը». Արսեն Նիկողոսյան

Ատիվիստ Արսեն Նիկողոսյանի ֆեյսբուքյան գրառումը. «Պատկերացրեք՝ մի առավոտ արթնանում ենք և տեսնում, որ Նիկոլ Փաշինյանը այլևս գոյություն չունի մեր քաղաքական իրականության մեջ։ Նա անհետացել է, լքել է երկիրը և ինչ-որ տեղից հրաժարական է տալիս։
Այդ պահին ես ուզում եմ պատկերացնել այն մոլորված մարդկանց վիճակը, որոնք մինչև վերջ հավատացել էին նրան։ Ցնցված, վախեցած, անորոշության մեջ գտնվող մարդիկ, ովքեր տարիներ շարունակ կրկնել են նրա խոսքերը, պաշտպանել, արդարացրել, նույնիսկ անիծել ուրիշներին հանուն նրա։
Եվ ի՞նչ է ստացվում։ Նիկոլ Փաշինյանը, որը միշտ բղավում էր՝ «ժողովուրդ, ես ձեզ չեմ թողնի», հենց ինքն առաջինն է թողնում ժողովրդին։ Բայց դուք, ովքեր հավատում էիք նրան, մնալու եք այստեղ, կանգնած ավերակների ու կործանված ճակատագրերի առաջ։
Եվ այդ ժամանակ դուք կհասկանաք, որ անիծում էիք սխալ մարդկանց, տարածում էիք սուտ տեղեկատվություն, մեղադրում բոլորին՝ բացի իրական մեղավորից։ Իսկ իրական մեղավորը ձեր քաղաքական «հայր» Նիկոլ Փաշինյանն է, ով խաբեց Հայ ազգին ու թողեց իր իսկ ստեղծած փլատակների տակ։
Սա է իրականությունը, սիրելի հայրենակիցներ»: