Երկուշաբթի, 23 փետրվարի, 2026 թ.
|
Ստեփանակերտում`   +9 °C

Ադրբեջանի ԱԳՆ-ն արձագանքել է Նիկոլ Փաշինյանի հոդվածին

Ադրբեջանի ԱԳՆ-ն արձագանքել է Նիկոլ Փաշինյանի հոդվածին
227
Երեքշաբթի, 11 փետրվարի, 2025 թ., 13:24

Ադրբեջանի ԱԳՆ մամուլի քարտուղար Այհան Հաջիզադեն, արձագանքելով ՀՀ վարչապետ Նիկոլ Փաշինյանի հրապարակած հոդվածին, ասել է, որ «դրանում ներկայացվածն անհիմն է՝ ուղղված իրականությունը խեղաթյուրելուն, համաշխարհային հանրությանը մոլորեցնելուն»:

Հիշեցնենք՝ ՀՀ վարչապետ Նիկոլ Փաշինյանը գրել էր. «Հայաստանի Հանրապետության անվտանգության դեմ սպառնալիքներ գեներացվում են հենց Ադրբեջանում: Ի հեճուկս Պրահայի պայմանավորվածության Ադրբեջանի բարձրագույն օղակներից հնչում են Հայաստանի Հանրապետության տարածքային ամբողջականությունը կասկածի տակ առնող հայտարարություններ:

Այդ հայտարարություններն առավել ամբողջական կերպով ձևակերպված են այսպես կոչված «Արևմտյան Ադրբեջան» խոսույթում, որը հովանավորվում է Ադրբեջանի բարձրագույն ղեկավարության կողմից եւ համանուն կազմակերպության հիմնարար փաստաթղթերում Հայաստանի Հանրապետության ինքնիշխան տարածքի շուրջ 60 տոկոսը անվանվում է «ներկայումս Հայաստանի Հանրապետության վերահսկողության ներքո գտնվող տարածքներ» կամ «ներկայումս Հայաստանի Հանրապետություն կոչվող քաղաքական և իրավական միավորի կողմից վերահսկվող տարածք»: