«Չկա շաբաթ, որ քաղաքապետարանում պաշտոնյա չձերբակալվի. կոռուպցիոն ի՞նչ բուրգ կա». լրագրողը՝ Արմեն Գալջյանին

«Չկա շաբաթ, որ քաղաքապետարանում պաշտոնյա չձերբակալվի, ի՞նչ կոռուպցիոն բուրգ կա»,- ճեպազրույցի ժամանակ, անդրադառնալով քաղաքապետարանի աշխատակիցների ձերբակալությանը, հարց ուղղվեց «Քաղաքացիական պայմանագիր» խմբակցության ղեկավար Արմեն Գալջյանին: «Մի կողմից ասում են՝ քաղաքապետարանում կոռուպցիան շատ ա, և դա համակարգային է, բայց եթե մենք տեսնում ենք, որ որևէ դեպքով լինում է բացահայտում կամ ձերբակալություն, դա նշանակում է, որ համակարգային չի: Նշանակում է, որ կան տեղային կոռուպցիոն ռիսկեր, ինչ-որ տեղ նաև դրսևորումներ, որոնց վերաբերյալ կոնկրետ հակազդեցություն է լինում: Դեպքերի շատ լինելը հենց դրա մասին է»,- ասաց նա: Գալջյանի խոսքով՝ որքան կոռուպցիոն դրսևորումների բացահայտումները քիչ են, հավանականություն կա, որ հենց այդտեղ են թաքցվում դեպքերը: