«Սպասում եմ, որ էս բաժակը վերցնելու եք ու ասեք՝ կեցցե՛ Եվրոպական միությունը». Ագնեսա Խամոյան

«Ներողություն եմ խնդրում, բայց ձեր ամեն խոսքից հետո ես սպասում եմ, որ էս բաժակը վերցնելու եք ու ասեք՝ կեցցե՛ Եվրոպական միությունը»,- դիմելով Արտակ Զեյնալյանին՝ ասաց ընդդիմադիր խմբակցության պատգամավոր Ագնեսա Խամոյանը: «Ձեզ հարց եմ տալիս՝ էս ցանկությունները, անիրագործելի գաղափարները, մեզ ի՞նչ են տալիս, մեզ ո՞վ է սպասում ԵՄ-ում, արդյո՞ք սպասում են»,- շարունակեց Խամոյանը: «Առաջին հատվածը առավելապես ցնցող խոսք էր, ձեր իրավունքն է, հարց չտեսա, որ պատասխանեմ: Հաջորդը, ԵՄ բարձրաստիճան պաշտոնյաները, ովքեր լիազորված են, դրա վերաբերյալ բազմիցս հայտարարություններ են արել ու ընդունել իրավական ակտեր»,- ասաց Զեյնալյանը:

Հիշեցնենք՝ քննարկվում է քաղաքացիական նախաձեռնության կարգով ներկայացված «ԵՄ-ին ՀՀ-ի անդամակցելու գործընթացի մեկնարկի մասին» օրենքի նախագիծն ընդունելու մասին հարցը: Հիմնական զեկուցողը նախաձեռնող խմբի լիազոր ներկայացուցիչ Արտակ Զեյնալյանն է: