«Ալեն Սիմոնյանին խորհուրդ կտամ բարձրանալ գաղտնի բաժին». Գեղամ Մանուկյան

«Հայաստան» խմբակցության պատգամավոր Գեղամ Մանուկյանը, ԱԺ հայտարարությունների ժամին անդրադառնալով Ալեն Սիմոնյանի՝ ճեպազրույցի ժամանակ հնչեցրած արտահայտությանը, ասել է. «Ալեն Սիմոնյանը կոչ է արել արցախցիներին՝ «մնայիք, կռվեիք»: Սիմոնյանին խորհուրդ կտամ վաղը, օրինակ, բարձրանալ գաղտնի բաժին, ուզել 2023թ. սեպտեմբեր 19-ի զոհերի ցանկը, որը իմ հարցմանն ի պատասխան ՊՆ-ն զորամաս առ զորամաս ուղարկել է, բայց գաղտնիության գրությամբ, որ չկարողանամ հրապարակել: Սիմոնյանը թող տեսնի, որ 150-ից ավելի զինծառայող կենաց-մահու պատվո մարտ է մղել ու նահատակվել Արցախում»: