«Որոշել եմ առաջադրվել որպես Գյումրու քաղաքապետի թեկնածու». Ռուբեն Մխիթարյան

Պրոդյուսեր, ռեժիսոր, հասարակական գործիչ Ռուբեն Մխիթարյանը որոշել է առաջադրվել որպես Գյումրու քաղաքապետի թեկնածու։ Այս մասին նա հայտնել է ֆեյսբուքյան իր էջում հրապարակած տեսանյութում։

«Գյումրիի, Հայաստանի գլխավոր պրոբլեմը երևույթ է, որի անունը նիկոլիզմ է, և անձ է, որն ապրում է Երևանի կառավարական ամառանոցներից մեկում։ Հենց այդ գիտակցումն է, որն ինձ ստիպել է կայացնել իմ կյանքի վերաբերյալ հերթական շրջադարձային որոշումը․ ես որոշել եմ առաջադրվել՝ որպես Գյումրու քաղաքապետի թեկնածու»,– նշել է Ռուբեն Մխիթարյանը։

Նա նաև ընդգծել է, որ քաղաքապետի պաշտոնն իր համար ինքնանպատակ չէ, ինքն իրական այլընտրանք է առաջարկում։