«Ժողովրդավարության և ձեր միջև տարածությունը նույնքան անհաղթահարելի է, որքան Գառնիկ Դանիելյանի և Մոնիկա Բելուչիի»․ Հայկ Կոնջորյան

ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը հայտնեց, որ իրենք կողմ են քվեարկելու «ԵՄ-ին ՀՀ-ի անդամակցելու գործընթացի մեկնարկի մասին» օրենքի նախագծին։ Անդրադառնալով ընդդիմության կողմից նախագծին դեմ լինելու փաստին՝ Կոնջորյանն ասաց, որ նրանց քայլը «դասական Կիկոսի մահի սինդրոմ է»․ «Դուք աշխարհաքաղաքական բայղուշության տեսլական եք կառուցում՝ ժողովրդին ասելով, որ եթե մենք ինքնուրույն քաղաքականություն իրագործենք, ապա մեզ կպատժեն։ Դուք ձեր փչացվածության աստիճանով եք դատում մեզ։ Խոսում եք ժողովրդավարությունից և փորձում եք ժողովրդավարության ջահակիր ասպետի կանթեղը տանել, ցավոք ժողովրդավարության և ձեր մեջ տարածությունը նույնքան անհաղթահարելի է, որքան Գառնիկ Դանիելյանի և Մոնիկա Բելուչիի միջև»,- ասաց Կոնջորյանը: