«ԵՊՀ-ում «Հայկական հարցը և միջազգային դիվանագիտությունը» առարկան դասավանդող Շիրակ Թորոսյանը Արցախը ճանաչեց Ադրբեջանի կազմում». Վահե Սարգսյան

Պատմաբան Վահե Սարգսյանի ֆեյսբուքյան գրառումը. «Շիրակ Թորոսյանը պատերազմից հետո առանց աչքը թարթելու մնաց ՔՊ-ական խունտայի կազմում, ավելին, 2021-ի հունիսին ուժերի ներածին չափով քարոզեց, որ հայրենավաճառ խմբակը վերարտադրվի:
Հիմա էլ, դե, տեսնում եք, ԵՊՀ-ում «Հայկական հարցը և միջազգային դիվանագիտությունը» առարկան դասավանդող անձը կրկին առանց աչքը թարթելու Արցախը ճանաչեց Ադրբեջանի կազմում (եթե չի ճանաչել՝ թող հայտարարի հրապարակավ), և շարունակում է ցնծալ չարիքի իշխանությամբ:
Այսօր էլ Արփինե Սարգսյանին ասելով՝ շեֆին է հասկացնում, ասում է՝ ինչ չքնաղ եք դուք, որ թույլ եք տալու ջավախահայերին ՄԻ ԱՄՍՈՎ երթևեկել վրացական վարորդականով:
Քանի որ կարող է շեֆը ջղայնանար ու թարս նայեր՝ էլ հարց չտվեց, չասաց՝ բա որ մի ամիս հնարավոր է, ինչո՞ւ, ասենք, հնարավոր չի 2, 3, 4, 5, 6 և ավելի ամիս: Ո՞վ է էս հանճարեղին հավատացրել, թե ջավախահայերը մեկ ամսվա մեջ գործերն ավարտելու են, վերադառնան, որ էդ մարդկանց անունից իրեն իրավունք է վերապահում հայտարարելու, թե՝ չքնաղ լուծում եք տվել:
Շատ չքնաղ լուծում է, պարոն Թորոսյան, առաջարկում եմ՝ էսօր նշեք դա, Կարեն Գիլոյանիդ հրավիրի, թող իրիկունը կիթառով նվաղի էլի Աննայի ու Նիկոլի առաջ, դու էլ հոտընկայս ծափ տուր, քանի որ դրա բազմակի փորձն ունես (առաջին հոտընկայս ծափահարությունը 2021-ի ապրիլի 14-ին էր, երբ պատերազմից հետո համատարած պահանջում էին դրա հրաժարականը):
Ի դեպ, ջավախահայերի մուտքը 15 օր սահմանելու մասին բան չունե՞ս ասելու, ասում են՝ տարբեր մարդկանց մոտ խոսում ես, թե լավ են անում, չեն թողնում, ինչի՞ պիտի տարբերվենք: Պահանջում եմ՝ պաշտոնական հայտարարել՝ կո՞ղմ ես, թե՞ դեմ»: