«Փաշինյանի զրույցը երկու մարդու հետ էր՝ Ալիևի և Էրդողանի»․ Նաիրա Զոհրաբյան

«Երեկ Նիկոլ Փաշինյանի զրույցը երկու մարդու հետ էր՝ Ալիևի և Էրդողանի»,- «Հայելի» ակումբում ասուլիսի ժամանակ ասաց քաղաքական, հասարակական գործիչ Նաիրա Զոհրաբյանը։ «Ալիևին և Էրդողանին իր «գաղափարախոսական» զրույցի ժամանակ ասաց՝ այո՛, ես պատրաստ եմ Հայաստանը հանձնել ադրբեջանա-թուրքական ենթակայության տակ, միայն թե դուք ինձ երաշխիքներ տվեք, որ պահելու եք իմ իշխանությունը»,- ասաց Զոհրաբյանը՝ շարունակելով․ «Բայց քանի որ նա այլևս չի կարող իր իշխանությունը պահել, մի քանի շաբաթ հետո ևս մեկ ուղերձ է հաղելու։ Ալիևին և Էրդողանին աղերսելու է՝ ասելով՝ Հայաստանը տալիս եմ ձեզ, դիմացը խնդրում՝ փրկել իմ և իմ ընտանիքի կյանքը»,- ասաց Զոհրաբյանը՝ հավելելով, որ, նոր սահմանադրության մասին խոսելով, Փաշինյանն Ալիևի պահանջն է ներկայացնում որպես իր նախաձեռնություն։