««Հայաստանցի»-«ղարաբաղցի» ստոր բաժանման ակունքում «ղարաբաղյան կլան» արտահայտությունն է». Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը. ««Հայաստանցի»-«արցախցի» կամ «հայաստանցի»-«ղարաբաղցի» այդ ստոր բաժանման ակունքում, որքան էլ ծանր լինի շատերի համար դա խոստովանել, «ղարաբաղյան կլան» արտահայտությունն է, որ մի ժամանակ հայաստանյան, այսպես ասած, ներքաղաքական «խոսույթում» ամենից «լիկվիդային» արտահայտություններից մեկն էր:

Դա շքերթի պաստառի կամ դրոշակի նման գործածող քաղաքական ուժերն ու լրատվամիջոցները կա՛մ պատկերացնում էին, կա՛մ չէին պատկերացնում, թե հանրության, շարքային քաղաքացիների մոտ ենթագիտակցական ինչ խորը նստվածք է թողնելու դրա այդ լայն կիրառումն ու սպառումը:

Ընդ որում, սրա մասին ինքս առաջին անգամ չէ, որ խոսում եմ: Այդ մասին հոդված-մեկնաբանություններ գրել եմ դեռեւս 2004-05 թվականներից:

Չեմ ասում, որ դա է միակ պատճառը, բայց դա եղել է «թեմայի» ենթագիտակցական հզոր շարժիչ»: