Դատարանը մասնակի սահմանափակեց Էդգար Ղազարյանի խոսքը՝ կիրառելով վարչական վերահսկողություն

Դատարանը սահմանափակեց Էդգար Ղազարյանի խոսքը՝ կիրառելով վարչական վերահսկողություն: Նա իրավունք չունի մինչև գործի ավարտը հրապարակային կարծիք հայտնել դատավորների, քննիչների, դատախազների, փաստաբանների, հարկադիր կատարողների ու նրանց ընտանիքների նկատմամբ:
«Դատարանը բավարարեց բողոքը, բայց՝ մասնակի։ Մեր մտավախությունները իրականություն դարձան, որ սա ուղղված էր Էդգար Ղազարյանի խոսքի ազատությունը սահմանափակելուն։ Սահմանափակումը միայն վերաբերվում է այն խոսքին, որն ուղղված կլինի դատավորներին, դատախազներին, քննիչներին, փաստաբաններին, հարկադիր կատարողներին ու նրանց ընտանիքներին։ Բայց դատարանը չհաստկեցրեց՝ խոսքը Ադրբեջանի դատավորներին վերաբերվո՞ւմ է, թե՝ ոչ»,- հասարակական, քաղաքական գործիչ Էդգար Ղազարյանի գործով դատարանի որոշումը ներկայացրեց փաստաբան Ռուբեն Մելիքյանը։
«Աբսուրդն այն է, որ Էդգար Ղազարյանն այլևս չի կարող ասել, որ, օրինակ, Վահե Գրիգորյանը ՍԴ փոխնախագահ է ընտրվել ոչ լեգիտիմ։ Նման կարծիքի համար Էդգար Ղազարյանին կկալանավորեն»,- ասաց փաստաբանը՝ հավելելով, որ բացարձակ կապ չունեցող հանցակազմ են կիրառել՝ որակումը որպես տեղեկատվություն դիտարկելով։