Երկուշաբթի, 23 փետրվարի, 2026 թ.
|
Ստեփանակերտում`   +10 °C

Ֆրանսիան և Մեծ Բրիտանիան քննարկում են 30 հազար խաղաղապահ Ուկրաինա ուղարկելու հարցը․ #WSJ

Ֆրանսիան և Մեծ Բրիտանիան քննարկում են 30 հազար խաղաղապահ Ուկրաինա ուղարկելու հարցը․ #WSJ
204
Կիրակի, 23 փետրվարի, 2025 թ., 11:36

Մեծ Բրիտանիայի և Ֆրանսիայի կառավարությունները քննարկում են մինչև 30 հազար խաղաղապահներ Ուկրաինա ուղարկելու հարցը: Այս մասին հայտնում է The Wall Street Journal-ը՝ վկայակոչելով եվրոպական քաղաքական շրջանակների աղբյուրները։
Նրանց խոսքով՝ Լոնդոնն ու Փարիզը զորքերի տեղակայումը կապում են հրադադարի համաձայնագրի ձեռքբերման հետ։ Այնուհետև Բրիտանիան և Ֆրանսիան ակնկալում են օգտագործել ամերիկյան ռազմական հնարավորությունները խաղաղապահ ուժերը սպառնալիքներից պաշտպանելու համար: Այդ նպատակին կարող են ծառայել արդեն Եվրոպայում գտնվող հակաօդային պաշտպանության համակարգերը, ասել են աղբյուրները։

Նախաձեռնության հաջողությունն առաջին հերթին կախված է եվրոպացի առաջնորդների կարողությունից՝ համոզելու ԱՄՆ նախագահ Դոնալդ Թրամփին աջակցել խաղաղապահներ տեղակայելու ծրագրին։

Ֆրանսիայի նախագահ Էմանուել Մակրոնը փետրվարի 24-ին կայցելի Վաշինգթոն և բանակցություններ կվարի Թրամփի հետ։ Իսկ փետրվարի 27-ին Մեծ Բրիտանիայի վարչապետ Քիր Սթարմերը կժամանի ամերիկացի առաջնորդի հետ հանդիպման։