««Պրիվետ Ռոբ» չի եղել». Լևոն Քոչարյան

«Շատ երևույթներ միֆականացրել են, աբսուրդային փաստազուրկ բաներ կան, որ էլ չգիտես ինչպես անդրադառնաս»,- «Yerevan Tribune»-ի եթերում ասաց Աժ պատգամավոր Լևոն Քոչարյանը՝ անդրադառնալով երկրորդ նախագհ Ռոբերտ Քոչարյանին «անվանարկող մի շարք դրվագների, որոնք ժամանակի ընթացքում հերքվել են»։ «Բաներ կան՝ մարդկանց գլխում այնպես են արմատավորել, որ որպես փաստ են ընդունում, երբ ասում ես՝ որտեղի՞ց գիտես, ասում են՝ կարդացել ենք»,- հավելեց Լևոն Քոչարյանը։
Դիտարկմանը, թե երբ իշխանության մեղքերից է խոսք գնում, իրենք առաջ են բերում «պապլավոկ»-ը, «հոկտեմբերի 27»-ը, «մարտի 1»-ը և այս երեքով ծածկում են բոլոր փաստերը, Լևոն Քոչարյանը պատասխանեց․ «Հայրս էմոցիա ցույց տվող մարդ չի, հոկտեմբերի 27-ին նա ընկերներ է կորցրել։ Դեռևս մարդկան դիակները դահլիճում, ԱԺ–ից չհանված՝ բերել են Ռոբերտ Քոչարյանին թուղթ են տվել, թե ովքեր ինչ պաշտոնների պետք է նշանակվեն։ Անդրանիկ Քոչարյանն էլ կար էդ ցուցակի մեջ։ Պատկերացնո՞ւմ եք սրիկայության աստիճանը։ Ու էդ նույն մարդիկ փորձում են մեղավորներ փնտրել։ «Առագաստ» սրճարանի դեպքը ևս ցավալի դեպք է, բայց այնպես, ինչպես ներկայացվել է սուտ է, անգամ հայրս այդ դեպքի ժամանակ մոտ 40 րոպե արդեն այնտեղ չի եղել, առավոտյան են ասել, որ նման բան է եղել»,- ասաց Քոչարյանը՝ հայտնելով ««պրիվետ Ռոբ» չի էլ եղել»։ «Եթե մարդը պատրաստ է իրեն վատ բարևելու համար սպանել տա, հիշեք այդ ժամանակ ովքեր և ինչեր էին խոսում, գրում, հենց այդ խեղճ մարդը պետք է լինե՞ր։ Մարտի 1-ի մասին էլ շատ է խոսվել, մյուս կողմից հրահրողը, իրավիճակը սրողը եղել է Նիկոլ Փաշինյանը, առաջին զոհը ոստիկան է եղել, 190 ոստիկան է եղել տուժած»,- ասաց Քոչարյանը։