Պերուում առևտրի կենտրոններից մեկի տանիքը փլուզվել է․ կան զոհեր

Պերուում առևտրի կենտրոններից մեկի ֆուդ-կորտի տանիքի փլուզման հետևանքով զոհվել է 8, վիրավորվել՝ առնվազն 80 մարդ։ Այս մասին հաղորդում է El Comercio.

«Ոստիկանության աշխատակիցներն ու հրշեջները որոնողափրկարարական աշխատանքներ են իրականացնում Տրուխիլիոյի առևտրի կենտրոնի ֆուդ-կորտի տանիքի փլուզման տարածքում»,- նշվում է հաղորդագրության մեջ։

Ողբերգության պառճառներն առայժմ հայտնի չեն։
Մասնագետների կարծիքով՝ տանիքի փլուզումը կարող էր տեղի ունենալ անձրևաջրերի ավելորդ կուտակման պատճառով, որը գերազանցել է կառույցի կրողունակությունը։