«Նիկոլ Փաշինյան, օրինակ վերցրու Թրամփից և նույն հարցը տուր». Արա Արայան

Վերլուծաբան Արա Արայանի ֆեյսբուքյան գրառումը․ «Փետրվարի 22-ի երեկոյան Թրամփի աշխատակազմը էլեկտրոնային նամակներ է ուղարկել ԱՄՆ-ի դաշնային կառավարության բազմաթիվ աշխատակիցների՝ հետևյալ կարճ բովանդակությամբ՝ «ի՞նչ աշխատանք եք դուք կատարել անցած 48 ժամում»։
Հարցին չպատասխանողները աշխատանքից կհեռացվեն։
Նիկոլ Փաշինյան, օրինակ վերցրու Թրամփից և նույն հարցը տուր ՀՀ կառավարության ենթակայության տակ գտնվող կառույցների աշխատակիցներին, ինչո՞ւ չէ՝ ՏԻՄ մարմինների, դատարանների ու այլ կառույցների աշխատակիցներին և հրապարակիր պատասխանները։
Մենք էլ նույն հարցը տանք քեզ։ Եվ պարզ կլինի, թե ինչ է կատարվում երկրում, որ քողարկված է փսևդոքաղաքական հանրային կապիկությունների տակ։
Ես կարող եմ հրապարակել իմ բազմաթիվ հարցում- դիմումները ուղղված տարբեր կառույցների, որոնք կատարել եմ Միասնական տեղեկատվական համակարգի միջոցով։ Համայնքապետարան, մարզպետարան, դատարան, Դատախազություն, Կադաստր, Արդարադատության նախարարություն, ՆԳՆ։ Եվ այդ բոլորը կես ժամում լուծվող հարցի վերաբերյալ, որ չի լուծվում տարիներով։
Ահա պետության հիվանդության պատճառը։ Ես իմ սեփական նախաձեռնությամբ, հետաքրքրությամբ մոտ երեք տարի ուսումնասիրում եմ խնդիրը։ Համոզված եմ, իմ դիմումները ստացող բազմաթիվ փսլինք տգետների պատկերացմամբ, ես կլյաուզնիկ եմ կամ քթի մազ։
Այս առումով Թրամփն ու Մասկը ահռելի մեծ գործ արած կլինեն, եթե պետության վզին նստած, հարկատուի փողը լափող ձրիակերներին հեռացնեն համակարգից։ Այս պարապ դասը պետության ու հասարակության թիվ մեկ թշնամին է, կապ չունի 50 հազար դրամ աշխատավարձ է ստանում, թե 500 հազար։
Պատասխաններ են տալիս, որ ապշում ես տգիտության ու մարդկային էության զիբիլության մակարդակի, վրա։
Արհեստական բանականությունը հարցերին պատասխանում և լուծումներ է առաջարկում վարկյանների ընթացքում, էլ ո՞ւմ է պետք այս պարապ առնետների դասը։
Որպեսզի մարդիկ պարապ չմնան, տեխնոլոգիաներից ու տեխնիկայից հրաժարվենք, եզո՞վ վար անենք։
Նիկոլ Փաշինյան, տուր հարցերը, հերիք խաբելով մարդկանց ու պետության օրը մաշես։ Թրամփի ժամանակից դուրս ես մնում, լսիր խորհուրդը»։