«Կոչ ենք անում Անկարային՝ սահմանային հարցերն առանձնացնել ՀՀ-Ադրբեջան հարաբերությունների օրակարգից». Նիլս Ուշակովս

Երևանում ընթացող Հայաստան-ԵՄ խորհրդարանական գործընկերության կոմիտեի 4-րդ նիստի ժամանակ կոմիտեի համանախագահ Նիլս Ուշակովսը, անդրադառնալով ՀՀ-ի ԵՄ-ին անդամակացության գործընթացի մեկնարկի վերաբերյալ օրենքին, ասաց․ «Այն արտահայտում է, որ ԵՄ-ն գրավիչ է հասարակության համար, և մենք դա ողջունում ենք։ Ճշմարտությունն այն է, որ ԵՄ-ն և ՀՀ-ն երբեք այսքան սերտ հարաբերություններ չեն ունեցել»։

Նիլս Ուշակովսիի խոսքով «աշխարհն այսօր գտնվում է երերուն վիճակում և այսպիսի պայմաններում Հարավային Կովկասում շատ կարևոր է, որ իրենք իրենց անվտանգային համագործակցությունը զարգացնեն»։ նա տեսակետ հայտնեց, որ ԵՄ-ի քաղաքացիական առաքելությունն օգնել է իրավիճակը կայունացնել ՀՀ-Ադրբեջան սահմանին․ «Իհարկե, Բաքուն և Մոսկվան թիրախավորում են այս առաքելությունը և մեղադրանքներ են ներկայացնում, բայց հարց է առաջանում՝ չզինված քաղաքացիական առաքելությունն ի՞նչ սպառնալիք կարող է նրանց ներկայացնել։ Նրանք փորձում են սա դիտարակել որպես վտանգ կամ խոչընդոտ խաղաղության համաձայնագրին։ Կարևոր է, որպեսզի հասկանանք, թե Բաքուն ինչո՞ւ է մերժում այս համագործակցությունը և ցանկանում դադարեցնել ԵՄ առաքելությունը ՀՀ-ում։

Հայաստանն, իհարկե, առաջարկել է, որպեսզի լինեն զինամթերքի փոխադարձ վերահսկողության մեխանիզմներ, և սա օրինակ է, որ ՀՀ-ն հանձն է առել խաղաղության օրակարգի կատարմանը, և մենք դրան աջակցում ենք։ Իսկ Ադրբեջանի արձագանքն այս ամենին շատ դժվար է հասկանալ և մեկնաբանել։ ԵՄ-ն հետաքրքրված է ՀՀ-ի ներկայացրած «Խաղաղության խաչմերուկ»-ով, որը կարևոր է տարածաշրջանի համար։ «Խաղաղության խաչմերուկ»-ի պարագայում ՀՀ-ն կարող է ունենալ ազատ ընտրություն դեպի եվրոպական ապագա, ինչն էլ ենթադրում է տնտեսական դիվեսիֆիկացիա։ Սա ևս մեկ պատճառ է, որ կենտրոնանանք կոմունիկացիոն կապերի բացման ազատության վրա և մենք միանգամայն աջակցում ենք և կոչ ենք անում, որպեսզի Անկարան սահմանային հարցերն առաձնացնի ՀՀ-Ադրբեջան հարաբերությունների օրակարգից»,- ասաց նա։