«Հերթական տեղեկատվական ագրեսիվ արշավն է մեկնարկում»․ Տաթևիկ Հայրապետյան

Ադրբեջանագետ Տաթևիկ Հայրապետյանը թելեգրամյան իր ալիքում ադրբեջանական մամուլում հրապարակաված հոդվածից հատված է ներկայացրել, համաձայն որի ՀՀ ԱԺ նախագահ Ալեն Սիմոնյանի երեկվա ելույթն ապացուցում է, որ «ռեվանշը մնում է Երևանի օրակարգում»։ Տաթևիկ ՀԱյրապետյանը գրում է․ «Հայոց այրուձին հեծած գալիս են ՔՊ-ականները՝ Ադրբեջանի ուղղությամբ…
Իսկ եթե լուրջ, հերթական տեղեկատվական ագրեսիվ արշավն է մեկնարկում»։
Հիշեցնենք, երեկ Ալեն Սիմոնյանն ԵՄ-Հայաստան խորհրդարանական գործընկերության կոմիտեի 4-րդ նիստին ասել էր․ «Եվրոխորհրդարանի կողմից ընդունված զեկույցներում ու ելույթներում դատապարտել են Լեռնային Ղարաբաղում Ադրբեջանի կողմից սանձազերծված կործանարար պատերազմը, հարյուր հազարից ավելի հայերի բռնի տեղահանումը, Հայաստանի ինքնիշխան տարածքի բռնազավթումը, մարդու իրավունքների կոպտագույն խախտումները, Ադրբեջանում պահվող գերիների փաստը, հայկական մշակութային և կրոնական ժառանգության հանդեպ իրականացված վանդալիզմը: Ցավոք, այդ բոլոր արձագանքները բավարար չեղան, և միջազգային մարդասիրական իրավունքը Լեռնային Ղարաբաղում պարտվեց»։