«Սփյուռքը մերժել և մերժում է ՀՀ գործող իշխանություններին»․ Գևորգ Ղուկասյան

Հայ դատի հանձնախմբերին և գրասենյակներին ներկայումս հաջողվել է միջազգային մի շարք հարթակներում ԼՂ հակամարտությունը պահել օրակարգում։ ՀՅԴ 35-րդ Ընդհանուր ժողովի մեկնարկից առաջ լրագրողների հետ զրույցում նման տեսակետ հայտնեց ՀՅԴ Հայ Դատի կենտրոնական գրասենյակի հատուկ ծրագրերի պատասխանատու Գևորգ Ղուկասյանը․ «ՀՀ իշխանությունների դիրքորոշումը հայտնի է, դրանք խանգարում են Հայ Դատի հանձնախմբերի աշխատանքներին»,- ասաց Ղուկասյանը՝ հավելելով, որ ՀՀ իշխանությունների վարած քաղաքականությունը մի շարք խնդիրներ է ստեղծում նաև Սփյուռքի տարբեր համայնքներում․ «Իշխանությունների՝ Սփյուռքը ջլատելու քաղաքականությունը հակահայ է իր էությամբ, բայց այն իրենց սպասած արդյունքը չի տվել։ Սփյուռքը՝ որպես քաղաքական միավոր, մերժել և մերժում է Հայաստանի իշխանություններին»,- ասաց Ղուկասյանը։