«Սա է ուրիշի վրա հույսը դնելու հետևանքը». Արամայիս Աղաբեկյան

Արցախի ԱԺ պատգամավոր Արամայիս Աղաբեկյանը ֆեյսբուքյան իր էջում լուսանկար է հրապարակել՝ կից գրելով. «Այս խոսքերը ասվել են 2023 թվականի սեպտեմբերի 22-ին, երբ արդեն բոլորի համար ամեն ինչ պարզ էր։ Ռուսական կողմին հնարավոր ամեն առիթով պաշտպանող Ռուբեն Վարդանյանն այդ պահին մեղադրեց Ռուսաստանին դավաճանության մեջ։
ՀՀ-ին ուղղված նրա մեղադրանքների պատճառահետևանքային կապը հասկանալի է, սակայն Ռուսաստանին՝ օտարին, դավաճանության մեջ մեղադրելն անտրամաբանական էր, եթե, իհարկե, պարոն Վարդանյանին անձամբ ռուսական կողմը խոստումներ տված չլիներ։
Ինչևէ, փաստն այն է, որ նա այժմ ադրբեջանական բանտում է, և երեկ նրա ինքնազգացողությունը վատացել է։ Միջազգային որևէ դերակատար, այդ թվում՝ Ռուսաստանը, էական ճնշում չի գործադրում, որպեսզի մեր հայրենակիցը գոնե պատշաճ կերպով իրացնի իր պաշտպանվելու իրավունքը։
Սա է ուրիշի վրա հույսը դնելու հետևանքը, եթե անգամ դու հարուստ ու ազդեցիկ ես, եթե անգամ քո ուժեղ օրերին քո հետ պայմանավորվել ու քեզ հաշվի են առել»: