«Գյումրու ՏԻՄ ընտրություններին ՀՅԴ-ն մասնակցություն ունենալու է»․ Իշխան Սաղաթելյան

«Հայաստան-Արցախ-սփյուռք եռամիասնության վերականգնումն այլընտրանք չունի»,- ՀՅԴ 35-րդ ընդհանուր ժողովից հետո լրագրողների հետ զրույցում ասաց ՀՅԴ Հայաստանի ԳՄ ներկայացուցիչ Իշխան Սաղաթելյանը՝ նշելով, որ առաջնային հարցը մնում է «ապազգային իշխանության հեռացումը»։
Անդրադառնալով Գյումրու ավագանու ընտրություններին, Սաղաթեկյանն ասաց․ «Դաշնակցությունը Գյումրիի ՏԻՄ ընտրություններին մասնակցություն ունենալու է, թե ինչ ձևաչափով՝ կհայտարարենք։ Մենք միշտ այն տեսակետին ենք եղել, որ պետք է լայն, ընդդիմադիր ճակատ ձևավորվի, որպեսզի արդյունավետ լինի։ Համապատասխան հայտարարությամբ հանդես կգանք»,- ասաց նա։

Ինչ վերաբերում է 2026 թվականի խորհրդարանական ընտրություններին՝ Սաղաթելյանը նշեց, թե շատ վաղ է խոսել՝ ՀՅԴ-ն դաշինքո՞վ, թե՞ առանձին է մասնակցելու․

«Մինչև 2026 թվականը բավական բան է փոխվելու։ Կգա 2026-ը՝ կքննարկենք»,- ասաց Սաղաթելյանը՝ նշելով, որ ցանկացած որոշում կայացնում է Դաշնակցության ժողովը։