«Նպատակը՝ հայ հասարակության մեջ հուսահատություն տարածելն է»․ Տիգրան Քոչարյան

Մեդիափորձագետ Տիգրան Քոչարյանի ֆեյսբուքյան գրառումը․ «Երկար ժամանակ է, ինչ Բաքվի դատարանից ամեն անգամ մեր գերիներին տեսնելով հերթական էմոցիոնալ սթրես ենք տանում։ Մեկ-մեկ, նույնիսկ անճարության ու անելանելիության զգացումը գալիս, կանգնում է կոկորդիդ։
Հասկանում ես, որ հենց դա է ադրբեջանցիների նպատակը՝ հայ հասարակության մեջ հուսահատություն տարածելը։
Բազմիցս ասել եմ, գերիներին օգնելու և ազատելու միակ ձևը փոխանակումն է։ Այլ տարբերակ չկա։ Բայց դա կարելի է անել միայն ու միմիայն իշխանափոխությունից հետո։
Ռուբենի նկարներից վատացողները ու միաժամանակ ներքին դաշտը անընդհատ պղտորողները, իրենց ապաքաղաքական հռչակողները, երկրի պետականության կործանման եզրին էժան մուտիլովկեք անողները ամեն օր նոր ձեռնաշղթա են գցում նույն Ռուբենի, Բակոյի, Արկադիի և մնացածների ձեռքերին։
Ռուբենին, Բակոյին, Արկադիին և մնացածներին հայհոյողներին քաղաքական դաշտ մտցնող ու լեգիտիմացնողները ամեն օր ավելացնում են իրենց բանտարկության ժամկետը։
Ուզո՞ւմ ենք տեսնել Բակոյին, Արկադի, Ռուբենին և բոլորին ազատության մեջ։ Ուզո՞ւմ ենք օգտագործել բոլոր պետական ու Սփյուռքի ռեսուրսները Բակոյին, Արկադի, Ռուբենին և բոլորին փրկելու համար։ Ուզո՞ւմ եք փրկեք ձեզ ամենօրյա սթրեսից ու ստորացումից։ Լուծումը պարզ է։ Բացահայտ է։ Ու միակն է։ Ուրեմն մի սպանեք Բակոյին։ Մի սպանեք Արկադիին։ Մի սպանեք Ռուբենին։ Մի սպանեք բոլորին։
Զտեք կարևորն անկարևորից։ Ինտրիգների ու մուծիլովկեքի համար ժամանակ դեռ շատ կլինի։
Բայց Բակոյի, Արկադիի, Ռուբենի ու մյուս գերիների համար այն կարող է այլևս վերջնական սպառվի»։