«Թող ոչ ոք հետո մեզ մարդասիրության դասեր չտա, երբ պատժենք արտաքին թշնամուն ու ներքին դավաճաններին». Նաիրի Հոխիկյան

Լրագրող, հանրային գործիչ Նաիրի Հոխիկյանի ֆեյսբուքյան գրառումը․ «Այն, ինչ հիմա կատարվում է Բաքվում կալանավորված մեր հայրենակիցների նկատմամբ, առաջին հերթին ոչ թե նրանց, այլ հայ ժողովրդի և հայկական պետության դեմ Ադրբեջանի ճղճիմ վրեժխնդրություն է։
Ռուբեն Վարդանյանը, Դավիթ Բաբայանը, Լևոն Մնացականյանը և մյուսները մեր հավաքական արժանապատվությունն են, որը փորձում են ծնկի բերել մեր թշնամիները։
Նույնիսկ թշնամու բանտում, խոշտանգումների մեջ նրանք տեր են կանգնում մեր արժանապատվությանն ու իրավունքներին, ինչը չեն անում Հայաստանի կառավարության ղեկին նստած անձինք, ովքեր մատի փաթաթան են Ադրբեջանի հարձակվելու վախը և այդկերպ ահաբեկում են ժողովրդին՝ հանձնելով ամեն ինչ։
Տեսնում ենք, որ գնալով ծանրանում է Ռուբեն Վարդանյանի առողջական վիճակը, ինչը կապված է նաև նրա նկատմամբ ադրբեջանցիների կողմից իրականացվող խոշտանգումների հետ։ Ու դա Հայաստանի ու աշխարհի լռության ներքո։
Աստված մի արասցե, եթե Ռուբեն Վարդանյանի հետ մի բան պատահի, ապա դա առաջին հերթին ապտակ կլինի աշխարհին, որ սուտ են բոլոր քաղաքակրթական ու մարդասիրական լոլոները, իսկ եթե սուտ են, թող ոչ ոք հետո մեզ մարդասիրության դասեր չտա, երբ մեր պատասխան գործողությունների ժամանակ արժանի ձևով պատժենք արտաքին թշնամուն ու նրան ենթակա ներքին դավաճաններին։