«Պարոնայք նորաթուխ ՔՊ-ականնե՛ր, բարոյազրկությունն էլ չափ ու սահման ունի»․ Մհեր Մելքոնյան

ԱԺ «Հայաստան» խմբակցության պատգամավոր Մհեր Մելքոնյանի ֆեյսբուքյան գրառումը․ ««Լուսավոր Հայաստան»-ի կամ ՔՊ-ի կամ էլ.... Սարիկը։
Հայաստանում իշխանությունը զավթելուց հետո նիկոլական խմբակն արեց ամեն ինչ, որպեսզի վերջնականապես ազատվի ազգային շահերից։ Սա ավելորդ և անթույլատրելի էր ամբողջովին թուրք-ադրբեջանական կառավարման տակ հայտնված իշխանության համար։
Արցախի Հանրապետությունը դավաճանորեն թշնամուն հանձնելուց հետո, ՔՊ-ական տարբեր տրամաչափի չինովնիկներ սկսեցին մեղադրել արցախահայերին չկռվելու մեջ։ Այս թշնամական և ամբողջովին հակազգային թեզից անմասն չմնաց նաև Գյումրու ՔՊ-ի ժամանակավոր պաշտոնակատար «մեր Սարիկը», որը երեկ հայտարարեց, թե «Արցախը Փաշինյանը չի հանձնել, չենք կռվել»։
Պարոնայք նորաթուխ ՔՊ-ականներ, բարոյազրկությունն էլ չափ ու սահման ունի։
Իշխանության ղեկին մնալու համար Փաշինյանը և ապազգային խմբակի անդամները պատրաստ են պաշտոնապես մեր թշնամիներին վաճառել հայրենիքն ու ժողովրդին»։