«Այս թիմը եկել է պատրաստված՝ սպասարկելով հայերի նկատմամբ ցեղասպանական քաղաքականությունը»․ Լարիսա Ալավերդյան

«Խաղաղության մասին պիղծ պայմանագիրը և այդ բոլոր խոսակցությունները անբարոյականության դրսևորումներ են»,- այսօր հրավիրված ասուլիսում հայտարարեց «Ընդդեմ իրավական կամայականության» ՀԿ գործադիր տնօրեն, ՀՀ առաջին ՄԻՊ Լարիսա Ալավերդյանը։

Նրա համոզմամբ՝ իշխանության ներկայացուցիչները և Նիկոլ Փաշինյանը չեն հավատում Ադրբեջանի կողմից որևէ առումով խաղաղության դրսևորումների։

«Իրենք չեն հավատում, և տարիներ շարունակ իրենց այդ խաբեությունը, սուտ գաղափարախոսությունը կոչված են ոչ միայն իրենց աթոռները՝ իշխանությունը պահելուն, այլ այս թիմը եկել է պատրաստված՝ իրականացնելու նպատակները՝ սպասարկելով հայերի նկատմամբ թուրք-ադրբեջանական ցեղասպանական քաղաքականությունը»։