««Ընդդիմադիրների` միասին չաշխատելու վնասը. տրանսպորտի թանկացման դեմ բոյկոտը հանգել է»․ Կարեն Վրթանեսյան»․ Կարեն Վրթանեսյան

Ռազմական փորձագետ Կարեն Վրթանեսյանի ֆեյսբուքյան գրառումը․ «Միասին չաշխատելու վնասի մասին 2-րդ կոնկրետ օրինակը. Երևանի տրանսպորտի թանկացման դեմ բոյկոտը, որն արդեն, ցավոք, հանգել է։
Քաղաքապետարանի 2 ընդդիմադիր խմբակցություն ամեն մեկն առանձին էր պայքարում։
Մի խումբն ասում էր. «Ընդհանրապես մի՛ վճարեք»։
Մյուսը․ «Տվե՛ք 100 դրամ, եթե չեն վերցնում, ապա հանգիստ նստեք»։
Տրանսպորտից ամեն օր օգտվող երևանցու համար, մեծ հաշվով, пофиг, թե կոնկրետ ով է պայքարում թանկացման դեմ, կարևորը պայքարի արդյունքում տրանսպորտի թանկացումը չեղարկվեր։
Միասնական օրակարգով, խոսքով ու համաձայնեցված գործողություններով հանդես գալը կտրուկ կմեծացներ ազդեցությունը, կնվազեցներ շփոթը։
Ընդ որում՝ նույնիսկ պարտադիր էլ չէր միասին մեկ կադրում երևալ, կարելի էր ուղղակի նույն ուղերձներով հանդես գալ, նույն տրամաբանությամբ, որպեսզի մարդկանց չշփոթեցնեին։
Չնայած համատեղ ելույթն էլ ուժեղ քայլ կարող էր լինել, օրինակ. «Մենք ունենք տարաձայնություններ, բայց երևանցու շահերը պաշտպանելը մեզ համար առաջնային է և վեր է բոլոր հակասություններից, այդ պատճառով միավորում ենք մեր ջանքերը»։
Համաձայնեցված գործելը գուցե ոչ բավարար, բայց անհրաժեշտ պայման է քեզնից անգամներով ավելի մեծ ռեսուրսներով հակառակորդի դեմ պայքարում»։