«Իմ ձայնի իրավունքն այսօր զիջելու եմ Էդգար Ղազարյանին». Թագուհի Թովմասյան

ԱԺ պատգամավոր Թագուհի Թովմասյանը հայտարարությունների ժամին իր ելույթն այսպես սկսեց. «Իմ՝ պատգամավորի ձայնի իրավունքն այսօր զիջելու եմ Էդգար Ղազարյանին: Մարդ, որի խոսքի ազատությունը սահմանափակված է դատարանի վճռով: Որպես ՍԴ աշխատակազմի նախկին ղեկավար, Էդգար Ղազարյանը քննադատել է հայ-ադրբեջանական սահմանային հանձնաժողովի կանոնակարգի քննարկման ու ընդունման ընթացակարգն ու հնչեցրել կոնկրետ քաղաքական գնահատականներ՝ իրավիճակի վերաբերյալ: Վահե Գրիգորյանը, որը եղել է այդ հարցով զեկուցողը, որոշել է ամիսներ հետո դիմել դատարան ու արգելել Ղազարյանին խոսել իր մասին, ՍԴ-ի մասին, դատավորների մասին, քննիչների մասին, ԴԱՀԿ աշխատակիցների մասին, դատախազների մասին, ինչպես նաև նրանց մերձավոր ազգականների մասին... Վահե Գրիգորյանը, ով երկար տարիներ զբաղվել է մարդու իրավունքներով, սահմանափակում է մարդու խոսքի ազատության իրավունքը: Երևույթ, որն անհնար է չդատապարտել: ՀՀ-ում խոսքի ազատությունը լրջագույնս վտանգված է»: