Թրամփի հայտարարությունները փլուզել են ԱՄՆ-ի բաժնետոմսերի շուկան. Bloomberg

Ամերիկյան բաժնետոմսերը կորցրել են 3,4 տրիլիոն դոլար, գրում է Bloomberg-ը։
Ֆինանսական վերլուծաբանների կարծիքով՝ այս ռեկորդային անկումը կապված է ԱՄՆ իշխանությունների՝ առևտրային նոր մաքսատուրքեր մտցնելու որոշման հետ։ Ներդրողները մտահոգված են պոտենցիալ տնտեսական հետևանքներով, ներառյալ՝ աճի դանդաղումը և կորպորատիվ շահույթի ցածր մակարդակը:
S&P 500 ֆոնդային ինդեքսը կորցրել է 4,8%՝ փետրվարի 19-ի առավելագույն կետից հետո։ Ինդեքսում ներառված ամերիկյան ընկերությունների ընդհանուր կապիտալիզացումը նվազել է 3,4 տրիլիոն դոլարով։ S&P 500-ն սկսել էր աճել անցյալ տարվա նոյեմբերին, երբ Դոնալդ Թրամփի ընտրությունը ներդրողներին հուսադրեց, որ նոր վարչակազմի քաղաքականությունը կխթանի ամերիկյան տնտեսությունը: Բայց երբ սրվեց Թրամփի հռետորաբանությունը Մեքսիկայից, Կանադայից, Չինաստանից, ԵՄ-ից և այլ երկրներից ներմուծվող ապրանքների առնչությամբ նոր մաքսատուրքեր բարձրացնելու կամ ներմուծելու մասին, ինդեքսի դինամիկան սկսեց փոխվել։ Երկու շաբաթ անց S&P 500 ինդեքսը կորցրեց է նախորդ երկու ամիսների աճի իր բոլոր ձեռքբերումները: Երեկվա առքուվաճառքից հետո S&P 500-ը կորցրել է 1,8%, այսօր ինդեքսն արդեն նվազել է 1,85%-ով; Նման դինամիկա են ցույց տալիս ԱՄՆ-ի մյուս առաջատար ֆոնդային ինդեքսները՝ Dow Jones (երեկ՝ 1,5%, այսօր՝ 1,8%) և NASDAQ (երեկ՝ 2,6%, այսօր՝ 1,9%)։
Առաջատար ընկերությունների բաժնետոմսերը կորցնում են դիրքերը հատկապես ավտոարդյունաբերության ոլորտում. Ford Motor-ի գործադիր տնօրեն Ջիմ Ֆարլին ասել է, որ սակագները «կջնջեն միլիարդավոր դոլարների շահույթը»:
«Սակագնային հռետորաբանությունը մեծացնում է ներդրողների մտահոգությունը տնտեսության վրա բացասական ազդեցության վերաբերյալ»,- մեջբերում է 22V Research հետազոտական ընկերության հիմնադիրը:
Հատկապես ծանր հարված է հասցվել Թրամփի կողմից աջակցվող նահանգներին, ներառյալ՝ Ֆլորիդան, որոնց արտահանման արդյունաբերությունը հարված է ստացել:
Վերլուծաբաններն այն անվանում են ամենամեծ առևտրային արկածախնդրությունը Մեծ դեպրեսիայից ի վեր: Յեյլի համալսարանի բյուջետային լաբորատորիայի համաձայն, նոր մաքսատուրքերը ներմուծման տուրքերը հասցրել են դրանց ամենաբարձր մակարդակին 1943 թվականից ի վեր: Միջին ամերիկացին տարեկան կվճարի մինչև 2000 դոլար ավելի թանկ՝ սակագների պատճառով: ԵՄ-ն արդեն զգուշացրել է՝ ԵՄ-ն պատասխան մաքսատուրքեր կսահմանի, եթե Թրամփը չնահանջի։

Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
86016.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
80715.11.2026, 19:19
Խաղողագործներին փող չեն տալիս․ «Հրապարակ»
59114.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
129713.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
63612.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
166510.11.2026, 19:37
Հեղուկ գազի երկրորդ խոշորագույն արտահանողն ԱՄՆ-ի հեղուկ գազի խոշորագույն գնորդը կդառնա
181409.11.2026, 18:19
«Ինքնիշխան պետության էներգետիկ քաղաքականությունը չպետք է վերածվի արտաքին ներդրողների շահերի ենթակառուցվածքային սպասարկման»․ Վահե Դավթյան
76009.11.2026, 15:18